¿Chem am ta chi  wirintukulen pu kullikenolu rag ñi gillageal iael tañi pu yall? 

Fei ta kiñe wirintukun electrónico mew inanielu ñi azkununieafiel fill ke legales zugu, tañi küzawtugeal  ka ñi rüf felerpual chi kullitun zugu gillan iael ñi pu yall mew. Pepi konai che kañpüle rume mülele, ka femgechi kullilayay ñi konal ka pürüm pepi konai chem che rume rüf küpa kimlu zugu. Tüfachi zugu küzawtuneay ka  güneneay chi wirintukun tunieafi chi Servicio de Registro Civil e Identificación.

¿Inei egün am feyentuñmageai  ñi rüf  ramtual zugu?

Tati kullikenolu iael ñi yall mew, chi zalluntukulu kam ti üytukunugelu tüfachi zugu mew chi pu tribunales koneltulelu chi reñmawen zugu mew ka chi pu che well pu txokiñ zuamniekelu ñi kintual chi wirintukun mew. Feyta chi wirintukun kom che pelayafuy kiñeke che müten ka kiñeke institución müten.

¿Inei egün wirintukugeai chi wirintukun mew?

Feichike che nielu kom tüfa chike zugu: tukulelgelu zugu ñi kullial  gillan iael pu yallgealu, feipilu chi tribunal, pichiñma feletual well rumel felerpual, ka nielu ñi kullitual, kom kam well kullilu,  fei küla kiñewun küyen rewall ka well kechu wuchulechi küyen.

¿Chem küzaw niei chi Servicio de Registro Civil e Identificación chi Wirintukuniegen pu kullikenolu rag nieam iael ñi pu yall?

Niei ñi wirintukuafiel zugu, ka kaletule chi zugu, chumlen zugu fanten mew ka aftule chi zugu, feipikunulu chi tribunales koneltulelu tüfachi zugu mew ka feipial linea mew  ti che inaramtuel  ñi nien zugu kam ñi nienon zugu fanten mew Wirintukuniegen kom kullikenolu rag  ñi pu yallgeal.

¿Chem zugu am niay  chi wirintukun?

Kom ñi üy chi che kullikenolu, ñi rakiñ nemül ñi ineigen well kake wirin feipilelu ineigen, tuntengen yall ñi keyunieafiel, tunten rag fanten mew ñi kullitual, tunten txoi kullitun petu niei ñi kullituafiel, kimgeal chuchi tribunal feipikunulu ka ñi tunten kullial ka chem cuenta mew ñi tukugeal ti kullitun.

¿Chem zugu amulgeafuy ta ñi rüf feletual ñi kullial chi pu che tukuniegelu tüfa chi wirintukun mew?

Amulgeafuy feyta chi zugu: güneymageal ñi impuestos wüñoltulgelu; güneymageal kiñe txoy kullin aretule kiñe crédito bancario mew  kechu mari UF gele  well zoygele; ti che kullikenolu fenzele kiñe vehículo well  chemkün niel kisugelu, katxütugeafuy ñi wirintukugeal ka che ñi gengetual, fey kulliymanole iael ñi pu yall; elugelayafuy  licencia ñi conducial ka ñi wirin pepi konkelu kake pais mew; güneymageafuy ñi rag kulligen pu gerentes generales ka chi  pu directores de sociedades anónimas gülalelu con transacción bursátil; pepi llownoal rag kelluntukun küpalu Estado mew; güneymageal kom ñi kulligel  ñi küzaw mew fey ñi kulliymageal chi iael ñi pu yall; ka kullitugeay ti zugu tüfachi indemnización por años de servicio kechagele ñi küzaw mew.

¿Chem zugu müleafuy chi che wirintukulelu ñi zoi pichikunugengeal ñi kullial pile?

Chi tribunal niey ñi  pial, ñi felenon zugu ñi zoi pichi kullial well kullinoal pifule chi che wirintukulelu chi nacional wirintukun chi pu che kullikenolu iael ñi pu yallgealu, feleafuy zugu chi che pegeltule kiñe wirin feipilelu ta ñi nienon chumgechi ñi kullial zoy pichin kullin rewall. Tüfa chi zugu amuleai zew rupale kayu küyen rupale chi mari aiya antü konchi noviembre küyen 2022 mew, fei mai fei chi antü eltugelu chi wirintukun.