¿Chem am ta posesión efectiva? 

Feyta chi posesión efectiva ñi elürpuel ta lhachi che feyti pu genkülelu ta küzawtukefi feiti chi zugu elurpuel ti lha , feymu wüla rüf gütxamentugey ti elürpuel ti lha (chemgepe rume rag, ruka, amukawe , itrofill chemkün ñi elel). Feychi cheyem ñi elürpuel  wirintukukununole papel mew, ka tañi chew mülefel Chile mapu mew, feyta chi küzaw ta pepilkageki Registro Civil mu, ka duamlay ragiñelwe(abogado).

¿Iney kay konki tüfachi herencia mew?

Tüfachi pu genkülelu txokikunugekey:

Kiñe txoy:  pu yall wünely fey ka inali  ta afkazi ka kompañ. Feyti chi kompañ chaf zomo kam chaf wentxugeafuy  wirintukulele  tañi  müleal egu kiñewen. Ka femgechi feyta chi Lha niele kiñe yall kuifi lhalu feita fey konken ñi pu fotüm ka ñawe, koneltukey tañi pu Lhaku, chezki, chuchu ka kuku.

Epu txoy : Mülenule ta heredero, fey konki chaw ka kagelu doy reiñmalelu , ka ti afkadi mogelelu. Mülenule ta chaw, ñuke ka afkady fey konkey pu kuku ka pu chuchu, lhaku, chezki mogelelu. Welu kom lhale pu kuku ka pu chuchu fey nürpukey pu  epuchi kuku, chuchu, bis abuelo mogelelu.

Küla txoy : genule inüy nu rume ti pu reñma wunenkülelu, feyta nürpuki pu peñiwen ka pu lamgenwen. Anogechi kiñe peñi lhale fey ta nürpuki tañi pu yall. Famgechi kiñe peñi lhale feyta nürpuki ñi choküm, ka malle.

Meli txoy: mülenole inüy no rume feyta nürpukey pu doy reñmalelu, feity weku, laku ka müna.

Kechu txoy: genole ta pu che rüf pu reñmawen fey koneltukey ñi llowal ta Fisco.

¿Nürpukey pu reñma ñi zefeniel   elürpuel ti lha?

May. Müli epu rüpü tañi güneduamgem:,nügeal ti zefen kam nügenual ti“ beneficio de inventario egu” entugenmu ti posesión efectiva. Feyta feipili feiti defelen zugu zoy rumerpule feyti chi bienes de herencia, welu responsablegekey müten tunten ta faly ta pu bienes pigelu.

¿Chew ta pepilkageki tachi zugu?

Oficinamu Registro civil pigelu feymu entugekey ta papel formulario de solicitud posesión efectiva ka müli ta feiti internemu ka feymu nentugekey. 

¿Tunte ta kulligeki küzawtugeymu tüfachi zugu?

Fentxen rag tukugeki  ta tunten mülen falinke wezakelu ka femgechi küzawtugeki ti posesión efectiva, feyta faliafuy Epu ka kechu UTM (Aylla mari meli waragka faliy) ka genule faiñke wezakelu fey re txipayafuy.

¿Chuman am küme tripale tañi dugu wirintukulelu? 

Doy ñizolkülelu( director) registro civilmew feyta feipiay chum tripan tachi dugu.

Feywüla  wuirintukugeal Registro Nacional de posesión efectiva ka feti Registro Civil mu fey wülay ti papel wirintukulelu , elugeay ti pu che. Deumale ñi wirintukun dugu fey: Gütramyegeki ka kulligeki feyti impuesto interno de herencia SII  oficinamu feygele zugu.

Wirintukugeki ti fillke wezakelu mülelu ruka mew fey kadilkonpuki feyti conservador de bienes raíces pigelu. Wirintukugeki feyti chi amukawe fey ñi üy pu reñma elelgelu feiti chi   Registro de vehículo motorizados mu, feygele ñi zugu. Ka mülele kake wezakelu feyta wuirintukugekey bienes sujeto registro pigelu. Ñi kofrayal ñi derecho k depósitos.