¿Chem am tüfachi kom kelluntukuñmageal ñi pensión mew PGU?

Tüfa ta kiñe kelluntukun wülpelu ti Estaw ka kulligekelu fill küyen mew. Pepi nentukey tüfachi kelluntukun  kom ti pu che azkülelu ti azmogen wirin mu mülelu, pu küzawkelu well femkenolu, ka ti pensionaogelu well pensionaogenulu (konlay tüfachi zugu mu pu che müleyelu Capredena ka Dipreca mew) Fey tachi ran wülgealu fill küyen mew püwülgealu  $185.000 ka txürümgealu fill txipantu mew.

¿Chuchike zugu zuamyegey?

1. Puwülnielu  kayu mari kechu (65) txipantu.
2. Koneltulenulu kiñe  reñma mew  mülelu zoy ti 10% ülmengelu feyti pu che zoy 65 txipantu nieyelu Chile mapu mew.
3. Müley ñi pegelal mülen mew Chile mapu  zoy epu mari (20) txipantu. Feymu ti che zuamnielu ti zugu puwültxipantulu 20 txipantu feychi mew rakigekey ti txipantu. Welu ka müley ñi pegelal 4 txipantu ñi mülen feyta chi inagechi kechu txipantu mew petu ñi zuguntukunon ti zugu tañi elugeal ti PGU.
4. Ñi niael  kiñe pension rumenolu ti pensión superior pigekelu (kiñe millon)

¿Chem zugu müley ti Pilar Solidario mu?

Ti pilar solidario, zewmagelu ti reforma previsional 2008 txipantu mew, konkülefuy epu kelluntukun, feyti pension basica solidaria de vejez pigelu, ka ti aporte previsional solidario de vejez pigelu. Welu tüfachi epu kelluntukun “fewla feygetuay ti PGU mew”. 

¿Chumgetuay ti pensión básica solidaria de invalidez mew?

Zoy alüngetuay ñi ran ka txürümgetuay ti PGU egu. Ka zoy alüngeay ñi kelluntukucheal, koneltual ti 60% ka 80% feyti zoy küñifalküleyechi pu che.

¿feyti pu mülewma ti pilar solidario de vejez mew ka elugealu ti PGU?

May, fantepu chi che elugekelu ti Pilar Solidario llowfemtuay ti kelluntukun PGU pigelu, fey PGU getuay ti zugu.

¿Chumgechi rakigekey ti ran konalu PGU mew?

Ti ran elugekelu ti kelluntukugechi che nüwküleay ti pension base nentulu ñi jubilan mew. Tuchi may ta nielu kiñe pensión puwlu 630 mil pesu, well püwülnulu kom elugealu ti PGU, fey elugerkeay 185 mil pesu. Welu feyti pu nielu kiñe pension rumelu 630 mil pesu ka puwnolu kiñe millon mew, feymu zoy pichi elugeay, zoy püllele millon mew fey zoy püchirputuay. Kom ti ran txürümgeketuy fill txipantu ti kiñe konchi fewreru küyen mew, nüwkülelu ti zugu ti IPC mew.

¿Chem txokiñ wülkey tüfachi PGU?

Ti Instituto de Prevision Social (IPS)  güneniey ti Pensión Garantizada Universal PGU. Welu yeniey mügel tüfachi zugu:  Müley ñi wülal ti kelluntukun, ñi ñamümnakümal tüfachi kelluntukun, katxüntukual ka femgechi kakünutukey azno  kake zugu tañi günenieafiel.