¿Chem amta kiñe testamento?

Feyta kiñe che (ti lhalu) azkunulu ñi elelürpual kom ñi nieel alüngeafuy kam pichiñgeafuy fey feypikunuy ñi chumgechi ñi uzamkageal.

¿Chumgechi zewmagekey kiñe testamento?

Wüne mew, müley ñi zullial kiñe testamento solemne gülalelu kam nürüfkülelu.

Testamento solemne gülalelu: müley ñi amual kiñe notario mew ka ñi yeal küla kellu zoy 18 txipantu nielu, ka müley ñi yeal ti testamento wirintukulelu. Feymu feyti notario müley ñi newentu chillkatual ti wirin tañi allkütual ti küla kellu. Feyti testamento müley ñi wirintukugeal ti üy, tunten txipantu ñi niel, chew ñi mülemum ka chew ñi tuwun feyti elelürpufe, ka müley ñi yeal ti wirin tañi kurewen ñi nieel ka tunten choyün ñi nieel, ka müley ñi feypial ti wirin tañi kümelkalen ñi logko mu ka ti üy nielu ti küla kellu ka chew ñi mülemom egün. Fey wüla müley ñi firmantukual ti chillka feyti elelürpual, tati notario ka ti küla kellu.

Testamento solemne nürüfkülelu: müley ñi yeafiel ti testamento notario mew sobre mew tukulelu ka nürüfkülelu ti sobre, wirintukulelu ka firmantukulelu ti elalu chemkün. Feyti sobre mew müley ñi wirintukugeal ti üy ka ti firma nielu ti elalu chemkün ti notario ka ti küla kellu, ka chem hora mu elgey ti zugu. Ti elalu newentu feypiay “ti sobre mew müley tañi elelürpuachi chillka”.

¿Iney egün pepi elelürpuafun tañi nieel?

Chile mapu mew, tüfachi azmogen wirin müte eluñmagekelay tañi kishu günenieafiel chem ñi elelürpual, mülenmu ta pu rüf gen nürpualu. Feypinule feychi zugu ti testamento fey falilayay ti testamento.           

Feymu feytachi zugu mew müley ñi wüzamüñmageal chem ñi nieel:

• Feyti kelluntukun iayel zefelefule ti lha, feymu müley ñi kullikünugeal feyti ran txipayalu kom ñi nieel mew.
• Feyti legitimas fey elufalgekelu ti 50% txipalu kom ñi nieel mew (kiñe ragiñ legitimaria) feymu elelürpualu ta kom ñi choyün ka ñi afkazi, eputxem püle ka fütakeche püle.(padres y abuelos)
• Tati cuarta de mejoras elufalgekelu ti 25% txipalu kom ñi nieel mew, feymu tüfachi txoy mu kiñeke reñma zoy küme elugeafulu kishu ñi txoy.
• Kakelu 25% mülewelu, fey “cuarta de libre disposición” pigelu, kiñeke rüf pu reñma elufalgeafuy.
  • Kiñe malen mari epu txipantu nielu ka kiñe püchikona mari meli txipantu nielu

Femgechilenmu zugu, ti 50% nielu amuay ta herederos forzosos mew, kakelu 25% amuay tañi zoy tukulelgeal ñi txoy mu kiñeke reñma che, ka ti kakelu 25% tuchi may ayilu ti elelürpualu  müten tañi eluafiel.

¿Iney pepi nentukelay kiñe testamento?

• Ti pu che gollilelu well küme güzamnolu pütuelmu.
• Feyti weluzuamkülelu, pepi güneniewenolu chem ñi nieel, feymu elelgekey kiñe representante legal.
• Feyti pu che pepi nentukenulu chem tañi rüf zuamniel.

¿Pepi elelgerpuafuy ñi nieel ta che femkünunofule testamento?

May, feychi zugu mew konkey ti sucesion intestada  mew, feymu tuchi rume elufalgekelu ti zugu, feymu pepi llituafuy ti zugu tañi nentual ti posesión efectiva ti Servicio de Registro civil  mew.