¿Chem am tüfachi kelluntukun iyael mu pu yall?
Müley tañi wülal iyael, azkunugelu ta judicial mew. Feymu müley ñi femgeal ta pu püchikeche ka wekeche chillkatuleyelu, ka femgechi chillkatuleyelu fütxake chillkatuwe ruka mew.
¿Tunte puay tüfachi kelluntukun zugu ti pu choyün mew?
Puwüle 21 txipantu egün feymu katxükonay ti zugu, welu may chillkatulele fütxa chillkatuwe ruka mu, fey mu püwülafuy 28 txipantu, ka katxüntukuymagekelay well pepiluwnolu tañi mogeluwal ka kiñe Kues feypile feychi zugu, feymu femgechi zoy amuleafuy tüfachi zugu.
¿Chem zugu mu konkey ragiñelwe ka chem zugu mu zalluntukugekey che?
Ti ragiñelwe zugu wüne konkey tüfachi kelluntukun iyael zugu mu, petu ñi zalluntukugenon fey konkey. Feyti epu che zalluntukulelu konafuy kiñe ragiñelwe privado well kiñe centro licitado mew. Fey txürnole ñi zugu egu well wefnole kiñe che ti rañigelwe zugu mu, fey wülgey kiñe wirin mediación frustrada pigelu, feyta chi wirin mu pepi zalluntukukey che tañi elugeal ti kelluntukun iyael mu, feymu müley ñi chaliñtukugeal ti zugu Juzgado de familia mew.
¿Chem zugu zuamgey tüfachi zalluntukun mew?
Müley ñi kimgeal ñi chemyewün egu ti zalluntukulu ti zalluntukuel egu, feymu müley ñi tukual ti certificado de nacimiento ka ti libreta de matrimonio; ka zuamgey ñi kimal chem zuam niekey ti püchike che, feymu müley ñi tukual kiñe wirin ñi comprobante egu chew ñi tukulgeal ti fillke zuam, iyael mew, chillkatun zugu mew, awkantun mew, ruka mew, lawentun mew, takuluwün mew, miyawün mew, luz mew, ko mew, gas mew, mütxümwe mew, kake zuam mew kafey; ka zuamgey ñi kimal tunte ñi nieel ti zalluntukulelu ran mew: feymu müley ñi chalintukual ñi liquidacion de sueldo, kafey ñi declaración de impuesto a la renta, boleta de honorarios ka ti antecedentes kimgeam chem ñi niel. Koylatule well günentule che tüfachi zugu mew, Presontukufalgeafuy.
¿Tuntengeay am ti kullial feyta chi kelluntukun iael zugu mew?
Mülele kiñe choyün tañi kelluntukual, feymu müley ñi kullial ti 40% nielu kiñe ingreso mínimo. Zoy choyün niele, fey mu kishuke choyün mu müley ñi kullial ti 30% nielu kiñe ingreso mínimo.
Ka femgechi feyti kelluntukun rumenoalu ti 50% ti kom ti ingreso nielu feyti che kullialu tüfachi kelluntukun iyael mew.
¿Chem zugu niafuy ti zalluntukuel kullinole?
Feyti Kuez azkunuafuy zugu ñi rulpayal pun carcel mew, tañi pepi txipanoal kake mapu, tañi wiñamüñmageal ñi niel ruka mew. Ka femgechi tukufalgeay ñi konam ti Registro Nacional de Deudores de Pensiones de Alimentos mew, femgechi tañi kullikayal ti zugu.
¿Chem zugu elgekey ti chillka mu elkünugemom tüfachi kelluntukun?
Chem kelluntukun iyael mu rume azkünugeay kiñe kullikünun fill küyen mew, feymu tüfachi ran falilgeay ta UTM mew.
¿Chumgechi kunugeay ñi rüf feleal ñi kulligeal ti zefeniel ?
Feyti azmogen wirin elkünuay zugu tañi kulligekayal feytachi zugu, feymu konay zugu ti mayo küyen 2023 txipantu mew. Feyti tribunal nieñmayafuy ti rag tañi nieel ti zalluntukulelu ñi cuenta bancaria mew, ka kagelu cuenta niele, feyti Juez entufule azkunun ñi kulligeal ka ti deuda liquidalele felele fey ñi tuntengeal. Feyti rag mu tañi nieñmael kulligeay ti zefeniel.