¿Femnegeay ñi chumleken ti chaw ka ñuke ñi apelliw ñi pu yall mew?
“Feyta chi Ley feipiley pu genchoyün rulpalelafi ñi üy”tañi pu choyiñ, welu feypilelay mügel tañi chaw üygefel well ñi ñuke üygefel, femgechiley ti zugu mülenmu ti matrimonio igualitario, fey mu azkunuy tañi pepi wirintukugeal pu choyün kiñe txoy kompañwen mew epu chawgeafuy ka epuzomogeafuy.
¿Chem apelliw wüne amuafuy?
Feyti eputxem mür azkünuway zugu, tañi chumgechi ñi wirintukukünugeal ñi choyün fey ti inscripcion de nacimiento mew. Zoy choyün nierpule egu, fey inanegeay ta chumgechi azkünuñmagelu ti apelliw feyti wüne choyün.
¿Txürnole ñi zugu mew egu?
Mür azüwnole (progenitores) egu tañi chumgechi azkünuafiel ñi üy ti choyün, fey mu kiñe kuzen mu konay ti zugu yenielu Oficial del Registro Civil, tañi kimal chuchi apelliw wünemu amuay.
¿Chem zugu müley wirintukugele ti üy choyün kishu ñi ñuke üy mu well ñi chaw üy mu müten?
Wirintukugel choyün re ñi chaw üy mu well re ñi ñuke üy mu, fey feyti choyün yenieay ti apelliw fey ñi wirintukulelgel.
Welu inagechi wüla wefle ti wüne mu wülnolu ti üy, fey mu femgechi amuafuy ti zugu: welu mülele kagelu choyün, fey ti we choyün ka yenieay feyti chi üy ti wünen yall feyti wüne üy wirintukugewyelu, wüne amuay kagelu apelliw mew, mür niewyenole kake wünenke choyün. Welu fey ti eputxem kakünutuafuy chumgechi ñi amulen ti epu apelliw, welu may rumele ti mari pura txipantu pepi femgerpulayay.
¿Kiñe txemchi che pepi kakünutuafuy tañi chumgechi ñi amulen ñi epu apelliw?
Iney rume zuguntukuafuy kiñe rupa müten Servicio de Registro Civil e Identificación mew, tañi kakünutuafel chumgechi ñi amulen ñi apelliw wirikonkülelu ñi inscripción de nacimiento mew.
¿Zuguntukuafuy ti zugu kake txipankeche mülepalu Chile mapu?
Ti pu kake txipankeche zuguntukuafuy ti zugu re tañi kakünutuafel ti wirin koneltulelu Chile mapu mew. müley ñi chalintukuafiel ti fillke chillka feypilelu ñi mülepan Chile mapu mew. Feymu müley wüne mu ñi wirintukukünuafiel ñi lleqmom antü fey ti Servicio de Registro Civil e Identificación mülelu Santiaw waria mew.
¿Ka kunutugen mu Apelliw Kaletuay ti RUN?
Femlayay. Feyti chi certificado mew azkunugey ti lleqmumchi wirin fey kagelayay ti RUN ti küzawtulu feyta chi zugu, Ka chemgelayay chem zugu ñi chem ñi nieel mew, well chem ñi elelgerpuel mew.