¿Chem amta tüfachi igkañpegen zugu? 

Tüfachi zugu wüli ta Konstitucion tañi igkañpen zugu juicio mew, ñi pepi chaftual tuchi may ta rumekagelu ñi zugu mu, well muñtuñmagelu ñi nieel, well faliltuñmagenolu kishu tañi az-zugu müleyelu Konstitusion mew.

¿Chuchi az-zugu faliltuñmagey tüfachi igkañpegen zugu mew?

Tüfachi az-zugu txipalu ta articulo 20 Konstitucion mew chalintukugeafuy tañi igkañpegeal, feymew ka feypiley chem az-zugu mülen ti articulo 19 Kontitución mew fey faliltuñmageafuy tüfachi zugu. 

Tüfa tañi müleyen ta az-zugu:

• Nien ta az-zugu tañi mogeleal. (Derecho a la vida)
• txürküleiñ azmogen wirin mew. (Igualdad ante la ley)
• Nien ta az-zugu tañi zalluntukugeal ti tribunal mew, ka elkünugelu petu ñi femnun ta zugu. 
• Nien ta az-zugu tañi igkañpegeal kishu tañi mogen ka tañi reñma iñchiñ, ka tañi igkañpegeal kishu tañi üy. 
• Nien ta az zugu tañi rukakontugenual ka ñi allkütuymagenual chem gütxamkan un rume. 
• Nien ta az-zugu tañi rakizuamüñmual ka tañi feyentun.
• Nien ta az-zugu tañi zulliñmual chumgechi tañi lawentual, estatalgele well privadogefule rume.
• Nien tañi kizu güneal tañi kimeltuwün.
• Nien tañi kizu güneal ta zuguntukuwal ka tañi kimelkawal chem zugu rume. 
• Nien ta az-zugu tañi txawüluwal.
• Nien ta az-zugu tañi txokiñkawal. 
• Nien ta az-zugu tañi  chumgechi rume küzawal, ñi kizu ñi zullial küzaw ka ti contratación.
• Nien ta az zugu ñi koneltual pu küzawfe mu ñi txokiñkawün zugu.
• Eluñmageal tañi gillañmual ka tañi fenzeymual chem rume.
• Nien ta az-zugu tañi illamkagenoal Estaw mu, tañi kuñifallgefel mu well tañi ülmegefel mu. 
• Eluñmagen tañi gillañmual chem rume.
• Nien ta az-zugu tañi nieñmual ñi chemkün ñi iñchegeal.
• Nien ta az-zugu tañi gen-geal chem rume tañi zewmael kimüngeafuy ka zewmal küwümew.
• Nien ta az-zugu tañi mogeleal lif mapu mu pozkülenualu, inüy gele rume ñi pozümkan  kiñe che well kiñe autoridad gele. 

¿Chem zugu inaniey túfachi igkañpegen zugu? 

Tañi azkunual ta Corte tañi norümtuafiel chem ñi rumekagen ta che, ka ñi rüf  tañi igkañmageal ta che rumekagelu zugu mew. Ka femgechi zalluntukugeafuy kake rumekachegen zugu Tribunales de Justicia mew.

¿Iney zuguntukuafuy tüfachi igkañpen zugu la Corte de Apelaciones?

Iney rume femafuy, ka femafuy kiñe txokiñche, ñi rumekagen tuchi may ta rumekagekelu iñchegeafun kam kagelugele che ñi femafiel.