¿Chumgechi feypiley feyta chi ley geñikachen rüpü mew?

Feypiley chi ley ñi chuchi geñikachelu feyta kutxankachelu, llazkülchelu, rumekachelu, yewentukuchelu ragiche fey ñi kimtukunol kagelu fey zewmakonay zallunzugu mew.

Chem nhalün koneltuafuy ka chem femkunugeafuy fey tachi geñikachezugun mew?

1. Geñikalu re zugun mew ka lelikanmu. Femlu kullintukuafuy kiñeke kam külake unidades tributaria küyen mew.
2. Fültukuwkelu  ka inantukuyawlu, ka femgechi nomür nomür mekelu. Fey femkelu elugeafuy ñi presugeal ( epu mari kiñe antü ka kayu mari antü ñi presugen) ka femgechi kulliafuy kiñe multa kechuke ka marike unidades tributaries küyen mew.

Yenielu zallunzugu femkunuay feytachi zugu, welu zoy wezalele nüntunzugugele ka  geñikanzugugele fey kaleay zugu.

¿Chem nhalün ka zalllunzugu tugeafuy feyta lloftun pegenentulu ka negüm azentulu kiñeke txokiñ kalul ragiche mew?

Elugeafuy kiñeke ella zewmagenzallun zugu mew ( kayu mari kam kechu pataka meli mari antü) ka fey kullintukuafuy kiñe multa kechuke ka marike unidades tributarias küyen mew. Feyta chi zugu mew koneltuay chuchi geñikalu ragichemew, chemkünmew rume, lloftun nentulu negüm az ka azentulu kiñeke txokiñ ñi kalül fey ñi kimnon rume kagelu.

¿Müley nhalün zugu fey chi wesha mekelu ka amulentumekelu feychi azentun ?

Feley llemay, wesha mekelu niey ñi zallunkonal (kayu mari kiñe ka pataka meli mari antü) femunmu ka kulliafuy kiñe multa mari kam epu mari unidades tributarias küyen mew fey ti pegelkamekelu azentun pegelu negüm az ka fey. 

¿Chumgeafuy feyta chi che lloftun entulu azentun ka ñi pegelkamekefiel fill püle? 

Feygele zugu fey pichi che presugeafuy (kayu mari antü ka küla txipantugeafuy) ka kulliafuy kiñe multa epu mari ka küla mari unidades tributarias küyen mew. 

¿Chem femkegeafuy feyta chi weshalgewlu ñi lliwawtukelu ñi fempuwal fey chi nüntun zugu mew?

Fey chi rumekamekegelche niefule zoy mari meli tripantü: fey ti wezakamekelu zallunkonafuy zugu mew  fey fempule re geñikan zugugele nüntunzugugenule ka  ti weshawtumekel. Feymu zallunkonafuy wenche müten (kayu mari antü ka küla tripantugeafuy).

Feyta chi ley femniey ñi zoy alün zalluntukukonal koneltulu nüntunzugu mew pu wekeche petu püwülnulu zoy mari meli txipantu ka femgechi llikalkan zugu ka awükan nüntulu ka pepi iñkawnulu ñi femgeanual, ka ti pu weluzuamgewelu, ka ti zallukonlu nüntunzugu mew günekafielmew ti pu che müte kümelkalenulu.